الديرما رولر شرح تفصيلى لها مع تجربتى الخاصة معها

[أوان الورد]

السلام عليكم و رحمة الله و بركاته
بسم الله و الصلاة و السلام على رسول الله
الاخوة و الاخوات حياكم الله
فى هذه النافذة سنعرض لآلة ذائعة الشهرة الان فى علاج مشاكل البشرة و الجلد
الآلة تسمى الديرما رولر
و الموضوع هيكون مفتوح لكل ذى تجربه مع هذة الآلة الفذة
و لكن فى البداية اقرأوا هذا التقرير المنقول عن طبيبة تسمى طير الحرم جزاها الله خير الجزاء
الكم تفضلوا


نظرا لكثرة الأسئلة حول الديرما رولر

حبيت أكتب الموضوع دا فيه طريقة استخدامها وإستخداماتها

وفيه دكاترة كبار كتير بينصحوا بإستخدامها ولو تابعتوا برنامج ذا دكتورز The Doctors إتكلم عنها وعن استخداماتها

ايه هي الديرما رولر؟


هي تقنية جديدة لعلاج مشاكل البشرة عبارة عن يد وبها عجلة, والعجلة بها إبر دقيقة جدا جدا وكل أداة لها مقاس على حسب مشكلة البشرة


فكرة عملها:


التجريح البسيط دا بينشط الدورة الدموية وبيحسن من إنتاج الكولاجين





ميزة الديرما رولر إنها سهلة الإستخدام تقدر المريضة لو فهمت طريقتها تستخدمها لنفسها بالبيت بسهولة جدا


كمان ثمنها رخيص مقارنة بالليزر, يعني لو واحدة عندها ندبات ببشرتها حلها هو الليزر الفراكشنال لكن الليزر دا ثمنه مرتفع وهي هاتحتاج 4 جلسات


فالديرما رولر بديل رخيص وبنفس الوقت نتيجته جيدة جدا وبترضي المريضة


الحالات اللي تنفع معاها الديرما رولر:


1- الخطوط البيضاء وعلامات تمدد الجلد نتيجة الحمل أو السمنة وعدم ثبات الوزن ودي بتستخدم مقاس (1مم او 1.5 مم او 2مم) على حسب عمق الخطوط ومدتها


ودي يفضل تستخدم معاها دهان موضعي زبدة الشيا الخام أو كريمات التمدد زي كريم بالمرز لعلامات التمدد أو كريمات من ماركة روك وبانثينول

وطبعا معاها رياضة 10 دقايق يوميا وأكل صحي خضار وفاكهة وشرب ماء

2- ندبات الوجة من أثر حب الشباب أو الجديري المائي (العنقز)

المقاس المستخدم على حسب عمق الندبات (0,75 مم -1مم -1,5مم)

ودي هاتستخدم معاها كريمات تقشير بنسبة بسيطة تركيبة تعملها ( نصف أنبوبة كريم رتين A أو كريم أكريتين + علبتين كريم بانثينول) التركيبة دي على المدى البعيد هاتحفز من إنتاج الكولاجين

3- التجاعيد والخطوط التعبيرية سواء وقاية أو علاج


لو وقاية يعني واحدة بعد سن 30 وعايزة تحمي بشرتها وتأخر ظهور التجاعيد يبقى مقاس 0.5 مللي


ولو فيه تجاعيد يبقى على حسب عمقها (1مم -1,5مم)


ودي هاتستخدم معاها برضة تركيبة (نصف أنبوبة كريم أكريتين + علبتين كريم بانثينول)


أو أي كريم من كريمات التجاعيد والرائدة بالمجال دا هي شركة روك Roc

4- الكلف

بتساعد في علاج الكلف لأنها بتجدد البشرة وبتساعد على إمتصاص الكريم اللي هاتحطيه لعلاج الكلف

ودي بيستخدم معاها تركيبة الكلف

- السيلولايت اللي هو الجلد لما يكون زي قشر البرتقالة

وعلى حسب درجة السيلولايت بنختار المقاس (1مم -1,5مم -2مم )

ودي هايكون معاها مشي ورياضة يوميا وأكل صحي خضار وفاكهة

5- تساقط الشعر خصوصا الثعلبة

لأنها بتحفز الدورة الدموية وبتخللي الجلد مستعد لإمتصاص أي كريم هاتحطيه

6- تنشيط الدورة الدموية وتوريد البشرة مقاس (0,5 مم) أو أقل


طريقة الإستخدام


الديرما رولر بتستخدميها مره كل 10-20 يوم على حسب تقبل بشرتك


. بتحطي كريم مخدر موضعي على البشرة زي كريم إملا 5% مثلا دا في حالة إنك مش عارفة تتحملي وخزها

فيه بنات بتقدر تتحمل وخزها على فكرة بدون مخدر , فكل واحدة وتحملها

تتركي الكريم ثلث ساعة تقريبا لحد مايخدر المنطقة

مهم جدا تغسلي الكريم كويس << مهم جدا جدا جدا إوعي تستخدمي الديرما رولر والكريم المخدر لسه على وجهك

بعد لما غسلتي وجهك تبدي تستخدمي الرولر

قوة ضغط إيديكي تكون خفيفة ماتضغطيش جامد

إتجاه الحركة بيكون على شكل شبكة يعني على شكل ( + ) أو شكل ( × )


من فوق لتحت ومن تحت لفوق ومن اليمين للشمال ومن الشمال لليمين


وممكن بالخط المائل كمان



كل إتجاه هاتعمليه 5-10 مرات


يعني من فوق لتحت وتحت لفوق 5 مرات مثلا وهكذا


المفروض مش بيظهر دم أثناء الجلسة إلا حوالي 3 نقاط فقط ودا مطلوب

يعني لو لقيتي نقاط دم 3-4 نقاط يبقى انتي كدا صح , توقفي شغل في المكان اللي ظهر فيه دم وتنقلي على مكان تاني وهكذا

كدا انتي خلصتي الجلسة


تمسحي الدم وبقطنة فيها مياة معدنية باردة تمسحي وجهك وتجففيه وتحطي مضاد حيوي زي كريم فيوسيدين مثلا مرتين لمدة يوم واحد فقط بيكفي


. ممنوع تستخدمي أي تركيبة كريمات علاجية في يوم الجلسة لا قبلها بيوم ولا بعدها بيوم

يعني مثلا جلستك يوم الجمعة

يبقى هاتبتدي تحطي أي كريم معالج من يوم السبت وتوقفي يوم الخميس إستعدادا لجلسة الجمعة وهكذا


. الآلة مش محتاجة تعقيم للدرجة خصوصا لو مافيش دم ممكن تعقميها في محلول بيتادين أو ديتول مخفف لمدة ربع ساعة وتجففيها كويس جدا وتحطيها في علبتها وتغلقيها

. ((منطقة الذقن والأنف لانها رقيقة فمش بتتحمل فبتقللي عدد الحركات عليها ))

ودي نصايح كنت كتبتها قبل كدا في ردود ليا

توضيحات هامة لمستخدمات الديرما رولر


لما تعملي بالمكان مثلا الخد أول لما يبدي يطلع دم وقفي ماتستمريش بنفس المكان وانقلي على مكان آخر

ظهور الدم على فكرة علامة كويسة معناها إنك وصلتي لطبقة الجلد اللي بتحتوي على الكولاجين علشان يتحفز

لكن بنفس الوقت بيكفي ظهور نقطتين دم أو 3 نقط دم صغيرة يعني أول لما تظهر وقفي في المكان دا في الجلسة دي وانقلي على مكان آخر وهكذا

وكرري نفس الشئ بالجلسات اللي بعدها

المكان الواحد بياخد تقريبا 10 حركات بالديرمارولر ماعدا الجبهة والذقن لأن جلدهم ضعيف فبتقللي مرات الحركة عليهم

ممكن مع الديرما رولر تستخدمي كريم تقشير زي Glyco A أو كريم أكريتين

لكن مش في نفس يوم الجلسة إبدي من اليوم اللي بعدها ولمدة 5 أيام ثم جلستك التاليه وهكذا

كريم إملا أو أي المخدر موضعي أيا كان بيوضع على البشرة نصف ساعة ولازم لازم يغسل قبل استخدام الديرما رولر لأنه بيعمل إلتهاب بالجلد

وركزي على الأماكن اللي فيها ندبات أكتر ممكن تزودي عدد الحركات اللي على المكان الواحد الآن عادي

احنا بنزود بالتدريج علشان بشرتك تتقبل بسهولة الديرمارولر

ولو تقدري تتحمليها بدون مخدر موضعي عاادي

المخدر لازم بتمسح أو تغسليه بماية ولا يترك على البشرة أكثر من ثلث ساعة أو نصف ساعة فقط وبعدها تغسليه

لأنه بيسبب إلتهاب للبشرة ومع الديرما رولر والجروح البسيطة اللي بتسببها فهايحصل إلتهاب شديد فانتبهي

والرتين ممتاز جدا وبشرتك تقبلته كويس هانستمر عليه تقريبا 4 شهور على أماكن الندبات علشان يحسن إنتاج الكولاجين

وظهور دم بالمكان اللي عملتي عليه الديرمارولر عادي دي حاجه كويسه معناها انك وصلتي لطبقة الجلد اللي فيها كولاجين لكن أول لما يظهر دم وقفي في المكان دا وانقلي على مكان آخر


يعني افضلي تحركي بالديرما في المكان حتى يبدأ ظهور دم فتوقفي

. الأداة للإستخدام الشخصي .. يعني ماينفعش حد يستخدمها معاكي


ودي بعض صور من مواقع أجنبية بتوضح نتيجة الديرما رولر






د/طيــر الحــرم

[الجوووووهره]

مووووضوع رااائع جدا
سلمت الايادي ياقمر

[أوان الورد]

فيديو يوضح الاستخدام

[youtube]

[الجوووووهره]

علي فكره سويته مره بمركز رهيييب والله بس يوجع الوخز ههههههه وحطت الاخصائيه بنج بس بعد يوجع هههه طفشتها يومها بس النتيجه حلوه
اتوقع تستخدم بالميزوثورابي

[أوان الورد]

ترقبو تجربتى الشخصية فى الايام القادمة معكم
اتمنى التفاعل من الجميع

[أوان الورد]

الجوهرة حياك الله
لا الديرما رولر شىء و الميزو ثربى شىء اخر
و ممكن الطبيبه او الاخصائية تضع لك مخدر حتى لا تشعرى بالوخذ
اشكر لك تفاعلك اختى الحبيبة

[glamour girl]

رووووعه اجمل موضوع شفته للحين بالعربي عن الديرما رول من اول نفسي استخدمها بس مترردة حستنى تجربتك علشان اجرب بعدك <<<< بهزر معاك ياقميل مشكوووره ونستنى تجربتك بفارغ الصبر

[أم الأمل البسام]

جزاك الله خيرا على الموضوع
اول مرة اعرفه

[أوان الورد]

جلامور جيرل و ام بسام الله يسعدكم دنيا و اخرة
و ان شاء الله بصور الدرما رولر حقتى و اكتب لكم تجربتى
و الله المستعان

[شوق النجوم]

موضوع رائع وفي انتظار تجربتك اوان