عدد مرات النقر : 0
عدد  مرات الظهور : 46,928,973
عدد مرات النقر : 0
عدد  مرات الظهور : 43,618,309
عدد مرات النقر : 0
عدد  مرات الظهور : 39,611,421
عدد مرات النقر : 0
عدد  مرات الظهور : 39,611,315
عدد مرات النقر : 0
عدد  مرات الظهور : 11,488,056
عدد مرات النقر : 0
عدد  مرات الظهور : 68,099,545
آخر 10 مشاركات


العودة   منتديات بدانة كلينك بإشراف د. سلطان التمياط > ...:::: منتديات عمليات السمنة ::::... المراقب احسان > - منتدى رابطة المتحورين > - أرشيف منتدى رابطة المتحورين

- أرشيف منتدى رابطة المتحورين خاص للمواضيع القديمة في منتدى رابطة المتحورين

الإهداءات
دانه نجد :     لينا دويدري : كل عام وأنتم بألف خير وصحة وعافية     دبدوب2009 : اسعد الله صباحكم وحياتكم بكل خير ونعمه     الجوهره 2 : بدانه كلينيك ايام جمييييله وذكريات راائعه ما تنسى ابد وحشني منتداي الغالي واعضائه     الجوهره 2 :     لينا دويدري : بدانة كلينك بإدارة الدكتور سلطان التمياط ترحب بجميع تجاربكم ومعلوماتكم وأسئلتكم التي لا تتضمن ذكر اسم الدكتور والأسعار..شكرا لتفهمكم     لينا دويدري : بدانة كلينك عيادة الدكتور سلطان التمياط في مستشفى المواساة بالدمام نرحب باستفساراتكم على الرقم 0581022222     لينا دويدري : هل أنت بدين؟؟.. ننصحك بزيارة عيادة الدكتور سلطان التمياط استشاري جراحة البدانة لمعرفة العملية المناسبة لك.. تكميم أو تحوير أو تحوير مصغر.. للاستفسار والحجز التوصل عبر 0581022222     لينا دويدري : البالونة المبرمجة .. لا تخدير لا منظار وتخرج بصورة طبيعية بعد 4 أشهر     لينا دويدري : الجراحة ليست الحل المناسب لك ... إسألي عن البالونة المبرمجة الذكية لإنقاص الوزن     لينا دويدري : جديد في بدانة كلينك الآن البالونة المبرمجة بعيدا عن التخدير وغرف العمليات للاستفسار 0581022222     د.سلطان التمياط : الإخوة والأخوات أضاء وزوار المنتدى تحية طيبة لكم جميعاً وأتمنى لكم الصحة والعافية والرشاقة    
 
 
أدوات الموضوع انواع عرض الموضوع
قديم 04-23-2007, 12:06 AM   رقم المشاركة : 1
miss_shosho
عضو مستمر
 
الصورة الرمزية miss_shosho
تاريخ التسجيل : Jul 2006
رقم العضوية : 176
 المشاركات : 236
 الجنس : أنثى
نوع العملية : عملية التحوير
تاريخ إجراء العملية : 24/3/2007
الطول : 160
الوزن الحالي : 68
الوزن قبل العملية : 97
أجريت العملية في :
اخر مواضيعي
الحالة
miss_shosho غير متواجد حالياً
miss_shosho is on a distinguished road
افتراضي معاناتي مع السمنه ..

حبايبي اعضاء المنتدى .. بعد شهر من عمليه التحوير ..
حبيت اكتب لكم تفاصيل رحلتي مع السمنه ومشاكلها ..
وحبيت اجمع لكم قصتي من اول ما اشتركت بالمنتدى ..

الجزء الاول (قصتي مع الربط)--------------------------------------------------------------------------------

اييييييييييييييييييييييييييييييييييييييييييه .. (هذي تنهيده قويه )
وش اقول وش اسولف وش افضفض..
بس قبل كل شي الحمدلله على كل حال..
اعرفكم بنفسي..
اسمي شوشو ..
عمري شي وعشرين (يقولون عيب الحرمه تقول عمرها) عشانه عيب انا ماعلمت بس ترا انا عادي ماتفرق بس لانه عيب ..
قصتي مع السمنه..
بالضبط بالضبط مدري من متى وانا سمينه ؟؟ يمكن من يوم اني في بطن امي وانا دبه ..
والدليل انه وزني يوم انولدت 4كيلو الا ربع !!!!
بس يعني عشان ماكون مبالغه .. كنت تختوخه .. يعني دبدوبه ..
بس بديت الانتفاخ المضبوط لما دخلت المتوسط.. كنت دايم البس مقاس اكبر من سني .. بس الوضع عادي لان كل البيت ماشاءالله متختخين فعادي..
الثانوي لا بديت احس على دمي وبديت انقهر من البنات والاجسام.. فسويت ريجيم (وهذا كان اول المشوار)
ونحفت الحمدلله ونزلت 12 كيلو.. ووقتها كان جسمي ولا اروع ..
دخلت ثالث ثانوي.. ومع الامتحانات والنفسيه بدا الوزن يرجع ويرجع ويرجع ..
ودخلت الجامعه .. وعدت السنه الاولى .. وزاد الطين بله اني حذفت ترم.. وجلست بالبيت .. ماغير مقابل النت 24 ساعه .. واكل ..والوزن طبعا في ازدياد..
وصارت سنه ثانيه وثالثه ورابعه .. طبعا والوزن يزيد .. وانا في كل هلاوقات كنت اسوي ريجيم.. بس اللي اسوي وانزل 5 وارجع ازيد 8 وهلم جرا..
مابقى نوع ريجيم ماسويته .. مابقى اخصائيه تغذيه ما زرتها .. مابقى تقفل اسنان وماسويته..كل شي يخطر على البال سويته في سبيل انزل وزني بس مافيه فايده ..
في اخر سنه .. وبلاصح اخر ترم لي.. كنت اطبق بمستشفى الحرس..ووقتها كانوا توهم يسوون عمليات ربط المعده ..
طبعا انا ماصدقت خبر.. وانشب للدكتور ميرزا(الدكتور خالد ميرزا استشاري جراحه بمسشتفى الحرس بالدمام) جزاه الله الف خير..المهم وقتها كان وزني 105 كيلو..
والحمدلله تيسرت الامور وسويت عمليه ربط المعده .. وكانت بتاريخ 22\7\2003 .. بالضبط قبل 3 سنوات..
وكنت احسب انه هذا الحل السحري لوزني
بس الحمدلله بدا ينزل الوزن بس بشكل بطيييييييييييييييئ .. وانا راضيه وماعندي اي مشكله اهم شي انه ينزل..
وصار ينزل وينزل وينزل (لاتفرحون كثير لانه مانزل شي يسوى )
المهم انه تنح عند 88..بس تعبت نفسيتي .. وقلت حرام ما يصير ربط معده وكل هالتعب وبعد ما ينزل وزني..
ورجعت لعالم الريجيمات من جديد ( وكنك يازيد ماغزيت)..وقدرت اوصل في يوم من الايام الى 76..

المهم اموري مع الربط كانت اوكي.. الى تقريبا من 4 شهور .. كنت اتعب من الاكل وخصوصا بالليل احس الاكل يرتجع.. وطبعا الترجيع حدث ولا حرج .. يوميا ارجع وحالتي حاله ..
قلت اراجع واشوف وش المشكله .. سوا لي اشعه واتضح انه حجم المعده اللي فوق من كثر الترجيع كبر وانتفخ .. وصار كانه في معده ثانيه ..
طبعا الفضل الاول والاخير للترجيع .. وانا كنت مو حاسه ..
فقالي اول خطوه نسويها انه نوسع لك الحلقه على الاخر.. وبعدين ترتاحين وترجعين على سوائل ونرجع نضيق شوي شوي..
وفعلا رجع وضع الحلقه طبيعي وضيقت اول مره وثاني مره ..
بس .. الوزن مافيه فايده !!!!!
نزلت بعد التضيق الثاني الى 78 طبعا وانا حارمه نفسي وعايشه على سوائل بس..
وبس بديت ارجع للاكل الطبيعي رجع وزني يزيد.. والحين اخر مره قسته 83 ولا ابي اقيس حتى مانصدم زود..
اخر شي ولا ابي اطول عليكم زود..
انا احس اني نموذج فاشل للعمليه من جد مالي وجه حتى اقول اني مسويه العمليه ..
ماشاءالله غيري ينزل 40 وفوق .. وانا متنحه
بس والله انبسطت يوم شفت هالمنتدى والتجمع .. على الاقل الواحد يدخل ويفضفض شوي..
اخر اضافه ..
نسيت اقولكم ان طولي 162 واحيانا 160 ..
واخر شي ..
والله اخر شي ماراح ازيد ولا سطر..
اسفه على الاطاله .. والاسلوب اللي زي خشتي .. بس من العجله ابي اطلع كل اللي بقلبي..
وسلامتكم







التوقيع :
MiSs_ShoSho




متحزمه سابقا .. ومتحوره حاليا ..
[COLOR="DarkOrchid"]

قصتي بالتفصيل الممل ..
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
آخر تعديل miss_shosho يوم 04-23-2007 في 12:15 AM.

قديم 04-23-2007, 12:07 AM   رقم المشاركة : 2
miss_shosho
عضو مستمر
 
الصورة الرمزية miss_shosho
تاريخ التسجيل : Jul 2006
رقم العضوية : 176
 المشاركات : 236
 الجنس : أنثى
نوع العملية : عملية التحوير
تاريخ إجراء العملية : 24/3/2007
الطول : 160
الوزن الحالي : 68
الوزن قبل العملية : 97
أجريت العملية في :
اخر مواضيعي
الحالة
miss_shosho غير متواجد حالياً
miss_shosho is on a distinguished road
افتراضي


الجزء الثاني (لقائي مع الدكتور سلطان)
اهليييييييييييين بكل الدببه والدبيات..
اللي بعد سنه راح نقول اهلين بالرشيقين والرشيقات ..

اذا تذكرون قصتي انا قلت لكم من قبل اني نموذج فاشل لعمليه ربط المعده واني متضايقه من وزني وثباته ولا مو بس كذا قاعد يزيد ولا ينقص..
هذا غير مشاكل الارتجاع بلاكل والترجيع المستمر بشكل يومي ..
طبعا من اكتشفت المنتدى وانا يوميا احن على دكتوري ابي يشيلي الحلقه ويسوي لي التحوير في نفس اليوم خوفا من البنج وغرفة العمليات ..
بس هو مشغول ولا فاضي لي.. الا ان تحدد معاه موعد..!!!
وكان الموعد السبت اللي فات..
وكنت متحمسه بشكل مو طبيعي للموعد لانها بوقتها خلاص راح اعرف هل ممكن ولا مو ممكن اني اسوي عملية التحوير !! وخصوصا انه قبل شهر مو هالموعد كنت مضيقه 1 سي سي .. ووزني بعدها زاد 4 كيلو
المهم كنت حييييييييل حيييييييييييييل خايفه.. وبالليل صليت استخاره .. ومن كثر التفكير ماجاني نوم..
ورجعت صليت الفجر مره ثانيه استخاره..
وقبل الموعد بساعتين خدرت وجاني النوم
وقلت يا بنت اغفي لك نص ساعه ووقتي الجوال.. وقلت للسواق عندي موعد على الساعه الفلانيه..

سبحان الله مكتوب لي انه الجوال ما يرن !!! والسواق على كلامه انه كسر الباب بس محد رد عليه !!
وما صحيت الا بعد الموعد بساعه

وجلست من النوم مفجوعه ومقهوره واتصلت على طول على الدكتور وكلمته .. اذا يمديني اجي ولا يوم ثاني.. قالي لا خلاص ما يحتاج تجين بس قررنا نسوي لك العمليه .. وبشوف لك اقرب وقت في جدول العلميات ااذا نقدر قبل رمضان ولا بعده وراح نتصل عليك ونقول اليوم الفلاني ونشيل الربط ونسوي التحوير بنفس اليوم ما يحتاج تجين ..
طبعا انا وقتها تشققت هذا اللي ابيه وهذا اللي كنت احن من زمان عليه ..
بس بنفس الوقت من داخل ما كنت مرتاحه مره ..

قلت اتصل واخذ موعد مع دكتور سلطان !!

وسبحان الله تيسر الموعد بشكل ماكنت اتوقعه ..واتصلت على طول على مستشفى سعد عشان اخذ موعد .. و لما سالتني موظفه المواعيد اي وقت تبين ؟؟ قلت لها اقرب وقت .. توقعت بتقول بعد يومين او 3 .. اذا مو اسبوع واكثر .. بس تفاجأت تقولي اليوم العصر ..

وعلى طول ما كذبت خبر ..طيراااااااااااااااااااااااااااان على الموعد..
المهم وصلت للعياده وكنت حيل حييييل خايفه ..

وقابلت الدكتور سلطان .. ونعم الدكتور .. فعلا صدقتوا بكل كلمه قلتوها عنه .. دكتور بالطيبه دكتور بلاخلاق .. دكتور بوساعة الصدر .. مع انه تحملني قرابه الساعه .. شرح لي كل شي عن العمليه ..
واقنعني انه اشيل الربط واريح المعده شهرين بعدين اسوي علميه التحوير..

وطلعت من عنده وانا مقتنعه تماما ومرتاحه حيييييييل لكل كلمه سمعتها منه .. وسبحان الله مو بس انا حتى والدتي لما رجعت وسولفت لها وشرحت لها .. حسيتها هي بعد اقتنعت ورضت..(من قبل ماكانت مقتنعه بسالفه التحوير )

وبس انا حاليا انتظر الرد من المستشفى عشان يتحدد يوم لي واشيل الحلقه ..

كلمه اخيره..
الف الف شكر للدكتور سلطان اللي خلانا نتواصل مع بعض خلال هالمنتدى..
وشكر لجميع الاعضاء اللي شاركوا بقصصهم ..







قديم 04-23-2007, 12:09 AM   رقم المشاركة : 3
miss_shosho
عضو مستمر
 
الصورة الرمزية miss_shosho
تاريخ التسجيل : Jul 2006
رقم العضوية : 176
 المشاركات : 236
 الجنس : أنثى
نوع العملية : عملية التحوير
تاريخ إجراء العملية : 24/3/2007
الطول : 160
الوزن الحالي : 68
الوزن قبل العملية : 97
أجريت العملية في :
اخر مواضيعي
الحالة
miss_shosho غير متواجد حالياً
miss_shosho is on a distinguished road
افتراضي

الجزء الثالث ( شيلة الحلقه )
الحمدلله اقتنعت واهلي اقتنعوا بموضوع شيل الحلقه ..
وراجعت نفس المستشفى اللي سويت عنده الربط .. وشلتها ..وكانت في اول شهر نوفمبر ..
طبعا العمليه كانت تخدير كامل .. وبالمنظار برضو شيلتها.. وفتحوا نفس الفتحات اللي استخدموها اول مره بالربط ..
وطلعت بعدها بالسلامه بعد 3 ايام.. وكان وزني وقتها 86 ..
طبها ما اكذب عليكم .. في هذيك الفتره كرهت حالي وكرهت كل شي حولي..
بسبب زيادة وزني .. وكان وزني يزيد مو طبيعي واضطريت اسوي ريجيم .. والحمدلله قدرت انزله الى 80 ..
طبعا مو لله في الله ..لان كان وراي سفره بعيد الاضحى .. وابي انحف...
المهم ما اطول عليكم .. سافرت ورجعت الا وزني 83 ..
وبعدها طنشت الدنيا .. وقلت بالطقااااااااااااااااااااااااااااااااااااق .. خلاص انا بسوي التحوير وبنحف ..
ورجعت حليمه لعادتها القديمه .. وبدت المطاعم والتشوكليت والبلاوي كلها .. وبلمح البصر زاد وزني في خلال 3 شهر من 83 الى 96..

الجزء الرابع والاخير (عملية التحوير ..)
ما انكر اني انسانه حنه .. والله يساعد الدكتور علي .. طبعا من جد كان متحملني طول هذيك الفتره .. الف الف شكر لك يا ابو فارس..
بعد شيلتي للحلقه ولين سويت العلميه يمكن اربع مرات رحت للدكتور بس احن فوق راسه ..
والحمدلله جا اليوم اللي اخذت القرار فيه .. ورحت للعياده وقلت له خلالالالالالالالالالالالالالالالاص انا ابي اسويها في اقرب وقت .. وفعلا حدد لي موعد خلال اسبوعين .. وعطاني مواعيد مع التخدير والمختبر..
وحانت ساعة الصفر..
يوم العمليه ..
طبعا كنت سهرانه طول الليل واحاتي .. مدري ليه جاني شعور خوف .. بس ماكنت ابي ابينه حق احد ..
دخلت الطوارئ وعلى طول توجهت لغرفتي ..ودخلت .. واعطوني الملابس وغيرتها .. وجلست على فراشي..
كان باقي على موعد العمليه تقريبا نص ساعه .. وانا طول الوقت ساكته .. وكانت اني الله يحفظها ويخليها تحاول تلطف الجو وتنكت وتسولف وانا ماغير صمممممممممممممممممممت ..
جا وقت نزولي للعمليات .. تقريبا الساعه 8 وتوكلت على الله ومشينا واميمتي معاي .. وانا في اللفت .. اذكر قلت لامي يمديني اهون؟؟؟؟
قالت توكلي على الله وخلاص هانت مابقى شي..
ودخلت غرفة التحضير .. وجاني دكتور التخدير .. والممرضات .. وبدوا بالتحضيرات ..
وطول هالوقت عيني على الستاره انتظر دكتور سلطان يمر .. مع انه كل الستاف كانوا عسسل ورهيبين بس كنت انتظر دكتور سلطان..
وفعلا جا الدكتور وسلم على والدتي .. وقالها كم بتاخذ العمليه من وقت ووراها وين يلاقيها بعد ماتخلص العمليه عشان يطمنها علي..
عطاني دكتور التخدير ابره عشان تهديني .. وانطلقنا لغرفه العمليات ..
داخل غرفه العمليات كانوا كل الستاف موجودين .. ودكتور التخدير .. وقبل لا يخدروني سمعت الدكتور يقول احنا بنطلع وبنخلي النبات يجهزونك..
طبعا ما تتخيلون هالكلمه شلون ريحتني .. لان تطمنت انه لما اتكشف بالغرفه وقتها مافيه الا الممرضات (جزاك الله الف خير يا دكتور)
وتخدرت ورحت في خبر كاااااااااااااااااااااااااااااان..
وماحسيت الا دكتور التخدير يصحيني ويقولي خلصنا وحمدلله على السلامه ..
طبعا ماذكر وش خربطت وش هببت ..
بس على كلام امي انهم يقولون لها بنتك ما سكتت من صحت .. وهي تقول امي فطرت ؟؟ اكلت فطورها ؟؟ جيبوا لها فطور لا تدوخ (كنت احاتي امي قبل لا ادخل العمليه لاني شفتها تاخذ حبوب السكر وكنت خايفه عليها انها ماتاكل ويصير لها هبوط)
بعدها صعدوني الغرفه .. وكانوا صديقاتي المقربات لي ينتظروني مع امي .. وما اذكر شي ..
بس اللي اذكره انه تالمت كثيييييييييييييييييييير بسبب انه الابره اللي اضغطها وتنزل لي المخدر كانت مو في مكانها وكنت طول الوقت اضغط الدوا ولا ينزل شي.. بس فك البنج مني وبديت اتالم..
بس ماخذ الموضوع كثير خلال اقل من ربع ساعه جا الدكتور وركب لي ابره ثانيه ومشى الحال ..
على المغرب جوني الممرضات وقالوا لي لازم تمشين .. طبعا شعوووووووووووووور ابد مو حلو .. لاني دايخه وابي انام ..
قوموني ومشوني شوي وجلست على الكرسي.. وبعدها رجعت للفراش..
طبعا ما انسى الدكتور سلطان مرني وتطمن علي.. برضو الاخت ندى ولاراا مروني وتطمنوا علي..
اليوم الثاني .. من الصباح .. كنت متضايقه من القسطره وشالوها على طول
وماكان فيه اي شي.. الام ومره خفيفه .. وحركه بديت اروح واجي .. ومن قرادتي .. من اجلس على الكرسي محد يدخل علي وبس ارجع للفراش يجي الدكتور سلطان .. (وكلما دخل علي يقول ياكسلانه تحركي) وانا والله كنت امشي بس ما يصادف نفس الوقت اللي تجي فيه ..
اليوم الثالث من الصباح نزلوني عشان اشرب الصبغه .. طبعا الكل يشتكي من طعمها الا انا لاني متعوده عليها من ايام الربط.. فانا مع الصبغه اصحاب .. والحمدلله كانت النتيجه اوكي.. وبديت شوي شوي اشرب ..
اليوم الرابع ..
من الصباح جاني الدكتور وكلي رعب عشان يشيلون الدرينج .. (الله يسامحك يادكتور قلت لي سهل ) بس طلع يطلع الروووووووووووووح ..
وتخلصت منه .. وارتحت .. وبنفس اليوم بالليل انا طلعت للبيت ..
وكملت مشوار السوائل .. وراجعت الدكتور بعد اسبوع .. وكانت الامور كلها طيبه ..
والحين انا الحمدلله كملت شهر .. مازلت بين السوائل والاكل اللين ..
اقدر اقول عن نفسي خوافه .. بس احاول قد ماقدر اني اجرب اكل..
خلال هالشهر الحمدلله ماصادفتني اي مشاكل.. لا ترجيع ولا غصه ( احمدك واشكرك ياررررررررررررب)
بس المشكله الوحيده والكل صارت معاه هي مشكله شرب الماء .. من اشربه على طول مغص..
بس طمني الدكتور وقالي طبيعي الى 6 اسابيع وانشاءالله بعدها يروح الالم..
مانكر النفسيه تعبت على الاسبوع الثاني .. جتني حاله من الاكتئاب بس الحمدلله ماطولت .. في اسبوع وقدرت اتخلص منها ..
وهذي قصتي بالتفصيل الممل..


شكر خاص جدا لدكتوري العزيز ابو فارس ..يعني من جد يعجز لساني عن شكرك .. ماقدر اقول الا ونعم الدكتور ..
وشكر خاص للعزيزه ندى.. ماقصرت يوميا تمر علي اكثر من مره تطمن علي..
لارا .. تحملتيني كثير ومازلتي تتحملين اسئلتي الغبيه .. الف شكر لك ..

وشكر خاص لكم .. على طولة بالكم وقراءة القصص







آخر تعديل miss_shosho يوم 04-23-2007 في 12:12 AM.

قديم 04-23-2007, 10:08 AM   رقم المشاركة : 4
*دنيا من الألم*
عضو فضي
 
الصورة الرمزية *دنيا من الألم*
تاريخ التسجيل : Jan 2007
رقم العضوية : 440
 المشاركات : 3,112
 الجنس : أنثى
نوع العملية : عملية التحوير
تاريخ إجراء العملية : 16 / 4 /2007
الطول : 161
الوزن الحالي : 85
الوزن قبل العملية : 109
أجريت العملية في : اخرى
اخر مواضيعي
الحالة
*دنيا من الألم* غير متواجد حالياً
*دنيا من الألم* is on a distinguished road
افتراضي

قصه اكثر من رائعه وكان إحساسي معك بكل اللي كتبتيه لأني برضو انتقلت من متحزمه لمتحوره

الحمدلله اللي سهل امورك ويارب دائماً تكوني بهالمعنويات المرتفعه ووتحققين كل اللي تتمنينه

والله لا يضيع لك تعب وتصيرين احلى رشيقه وانت بكامل صحتك

بس في شي مستعجبه منه كيف طولك 162 واحياناً يصير 160 (الظاهر لا سمنتي قصرتي ولا نحفتي طولتي )

والوالده ما شاء الله عليها ما قصرت الله يحفظها لك يارب







قديم 04-23-2007, 11:21 AM   رقم المشاركة : 5
أم متينه
عضو مميز
 
الصورة الرمزية أم متينه
تاريخ التسجيل : Jul 2006
رقم العضوية : 117
 المشاركات : 833
نوع العملية : التحوير
تاريخ إجراء العملية : 19.02.2007
الطول : 169
الوزن الحالي : 88
الوزن قبل العملية : 150
أجريت العملية في :
اخر مواضيعي
الحالة
أم متينه غير متواجد حالياً
أم متينه is on a distinguished road
افتراضي

المهم الحمد لله على السلامـة و طريق العافية يا رب
و خطوة خطوة للرشاقة


أختك
أم متينة







قديم 04-23-2007, 09:49 PM   رقم المشاركة : 6
miss_shosho
عضو مستمر
 
الصورة الرمزية miss_shosho
تاريخ التسجيل : Jul 2006
رقم العضوية : 176
 المشاركات : 236
 الجنس : أنثى
نوع العملية : عملية التحوير
تاريخ إجراء العملية : 24/3/2007
الطول : 160
الوزن الحالي : 68
الوزن قبل العملية : 97
أجريت العملية في :
اخر مواضيعي
الحالة
miss_shosho غير متواجد حالياً
miss_shosho is on a distinguished road
افتراضي

دنيا من الالم ..
الحمدلله على سلامتك .. وربي ينولنا اللي في بالنا بالصحه والعافيه ..
والله بالنسبه لطولي ابشرك الحين استقر على 160

ام متينه ..
تسلمين حبيبتي ..







قديم 04-24-2007, 01:39 PM   رقم المشاركة : 7
etam
عضو مميز
 
الصورة الرمزية etam
تاريخ التسجيل : Apr 2007
رقم العضوية : 675
 المشاركات : 953
 الجنس : أنثى
الإقامة : Dammam
الهواية :
نوع العملية : تحوير
تاريخ إجراء العملية : May 9,2007
الطول : 166
الوزن الحالي : 66
الوزن قبل العملية : 100
أجريت العملية في : مستشفى السعد/ الدكتور سلطان التمياط
اخر مواضيعي
الحالة
etam غير متواجد حالياً
etam is on a distinguished road
افتراضي

اقتباس:
اليوم الرابع ..
من الصباح جاني الدكتور وكلي رعب عشان يشيلون الدرينج .. (الله يسامحك يادكتور قلت لي سهل ) بس طلع يطلع الروووووووووووووح ..
وتخلصت منه .. وارتحت .. وبنفس اليوم بالليل انا طلعت للبيت ..
حبايبي شسالفة هالدرينج اللي الكل يشتكي منه، ماحد قالي عنه في الموعد






قديم 04-28-2007, 01:16 AM   رقم المشاركة : 8
miss_shosho
عضو مستمر
 
الصورة الرمزية miss_shosho
تاريخ التسجيل : Jul 2006
رقم العضوية : 176
 المشاركات : 236
 الجنس : أنثى
نوع العملية : عملية التحوير
تاريخ إجراء العملية : 24/3/2007
الطول : 160
الوزن الحالي : 68
الوزن قبل العملية : 97
أجريت العملية في :
اخر مواضيعي
الحالة
miss_shosho غير متواجد حالياً
miss_shosho is on a distinguished road
افتراضي

ايتام ..
حبوبه هو عادي .. الدرينج هذا عباره عن كيس بلاستيك يجمع فيه السوائل اللي بعد العمليه ..
ووجوده في مكانه ما يالم بس يخوف ويضايق بالحركه .. بس شيلته والله ما رااح اكذب عليك ..
شيلته تعور







قديم 04-28-2007, 02:50 PM   رقم المشاركة : 9
CuTe
عضو دائم
 
الصورة الرمزية CuTe
تاريخ التسجيل : Jun 2006
رقم العضوية : 113
 المشاركات : 479
 الجنس : أنثى
الإقامة : qassem - in onaizah
الهواية :
نوع العملية : التحوير
تاريخ إجراء العملية : 16\1\1428
الطول : 174
الوزن الحالي : 94
الوزن قبل العملية : 141
أجريت العملية في : مستشفى سعد
اخر مواضيعي
الحالة
CuTe غير متواجد حالياً
CuTe is on a distinguished road
افتراضي

شوشو ..
الف حمد لله على سلامتك يالغاليه
وربي بكل حرف تكتبينه كنت اتذكر تجربتي ...
لكن ستظل مغامره .. وستظل ذكرى راائعه .
العقبال ماتوصلين وزنك المثالي ..

جروح







قديم 04-28-2007, 05:02 PM   رقم المشاركة : 10
ارشق وحده
عضو جديد
 
الصورة الرمزية ارشق وحده
تاريخ التسجيل : Mar 2007
رقم العضوية : 563
 المشاركات : 22
الطول :
الوزن الحالي :
اخر مواضيعي
 

الحالة
ارشق وحده غير متواجد حالياً
ارشق وحده is on a distinguished road
افتراضي

االف الحمد على السلامه يا شوشو ....ذكرياتك اليوم ...هي احلامنا بكره.....اشكرك على سردك الرائع الي عيشنا التجربه بكل تفاصيلها.....اتمنى لك الرشاقه والصحه والعافيه ....وبي يحفظلك الوالده من كل شر .....يارب







 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
العلاج الجراحي لمرضى السكر مزاحم الحسان - أرشيف منتدى أصحاب عمليات البدانة وشؤون البدانة 11 05-03-2010 03:41 AM
غدا الاربعاء يوم السمنه في ؟ دب سابق - أرشيف منتدى أصحاب عمليات البدانة وشؤون البدانة 9 01-21-2010 10:50 AM
معاناتي مع السمنه .. miss_shosho - أرشيف منتدى أصحاب عمليات البدانة وشؤون البدانة 8 09-08-2006 05:20 AM


Ads Organizer 3.0.3 by Analytics - Distance Education
الساعة الآن 02:49 PM