سويت العمليه تاريخ 22\5\2011 بس تعبانه وايد

[ZoOoOHr]

مساكم الله بالخير

انا سويت العمليه في التاريخ الي كتبه فوق يعني اليوم 3 يوم لي توني مصحصه شوي مع الم خفيف وشد عند البطن .. بس بصراحه احس وايد تعب وحسيت بالندم الي بعد العمليه وللحين اقول ياريتني ماسويتها

عطوني ادويه وايد اغلبها تحاميل عن الالم وعن اللوعه والحموضه وبعد نوعين من الادويه فوار بعضها استخدمه 3 ايام واسبوع وشهر ..

انا مو مكدر خاطري الاكل بس لوني صاير اصفر والكل يطالعني ويقولي شسويتي بنفسج .. ساعات اقول بنفسي كله من عيال المنتدى والله انا شمتني وشحلاتي اتنطط مو جذي جني عصفوره منكسره

بس الحمدلله على كل شي من قبل ومن بعد .. كنت قبل وايد وايد متحمسه والي يقولي لا تسوين ولا ليش ولا ماله داعي اطنشة واكرهه بعد .. بس اليوم كرهت نفسي

المهم الحين ابي ردودكم خففوو علي ونصحوني شسوي بالايام الاولى

[ميروووو]

انتى لسة بالاول ياقمر لما الايام تمر وتبدأالرشاقة هتلاقى نفسك فرحانةربنا يقويكى

[ZoOoOHr]

شكرا ميروو الله يسمع منج انشالله

[راجية ربها]

هونيها تهون إن شاء الله

بكرة لما تنزلي 10 كيلو وتوسع ملابسك وتتغير ملامحك للافضل

راح تنسي هذا التعب ..

الحمد لله اجتزتي المرحلة الاهم في طريق الرشاقة

والف مبروك قومتك بالسلامة

[همسه مشاعر]

الحمد لله ع سلامتك ومااقدامك الا العاافيه ياارب
يااقلبي هاذا الاحساس يجي بعد العمليات طبيعي حتى مع الولاده
االي انتي فيه طبيعي لاتكدري نفسك وحااولي تغيري من نفسيتك بالصبر
وقراءه القران والاستغفار وان شاء كلهاا ايااام وترتااحي وتشوفي وش حلاتك
وخليكي متفاااءله وفالك الرشااقه

[وِزن]

حتى انا زيك
سويت العملية سليف قبلك بيوم

وخايف


ونفس الوصفات الطبية والمواصفات الطبية اللي جالك
وكنت مثلك حيييييييل متحمس
لكن ماتوقعت اني انحرم من هالاكلات والمشروبات بأول الشهر
هذا غير القلق اللي مسيطر عليك

فعلاً وحهي اصفر والكل يطالع وجهي
واناظر حتى شكلي بالمراية
احس بقلق

[كويتيه وافتخر]

شنو نوع عمليتج حبيبتي

[النمر]

اول شي حمدلله علي السلامه ثاني شي كلنا حسبنا بالندم بس بعد اسبوع ولا أسبوعين راح تقولين ياليتني مسويتها من زمان لمن يشوفج احد ويقولج ضعفانه شفيج طبعا يرتفع جوكطبعا هذي شويه ضيقه خلق عاديه تروح من يشيلون التدبيس للي علي المعده والم الم المخدر يكون بالكتف الأيسر. ولوعه جبد عاديه بس للي يبي الحلو ويصبر علي مره
اما عن الجوع ماراح تجوعين لان شايلين منج حاسه الجوع بش مرات تشتهين الاكل طبعا اسبوع بيروح كل شي وبتصرين غزال ان شالله
سلامات

[sahramoon]

حمدلله ع السلامه
عادي عادي كلنا مرينا بكل اللي شوفتيه اصبري واتبعي التعليمات جيدا
واياك والاكل الصلب في هذه الفتره
وبكره تقولي ياريت عملتها من زمان
ويارب توصلي للمثالي

[ZoOoOHr]

الله يسلمكم مشكورين رفعتو معنوياتي شويه .. كويتيه وافتخر عميليتي السليف .. بس متى اقدر اكل عادي وبدون خوف من التسريب واقدر اكل كل شي بس لقيمات صغيره متى ابتدى هالمرحله انا الدكتوره تقولي لازم 3 اسابيع بس سوائل شفافه وبعض الانظمه الغذائيه الي بالمنتدى تقول 10 ايام سوائل شفافه و10 ايام سوائل اثقل شوي وهالمجره ...

متى ارجع للاكل الطبيعي بدون خوف من التسريب ومتى اقدر انام على راحتي لاني احب انام على الجنب او على بطني ..

يعني برجع طبيعيه ولا لأ هذا سؤالي باختصار