كيف احسب دورتي وفترة التبويض عشان احمل

السلام عليكم ورحمة الله وبركاته

بدخل في الموضوع على طول...

انا بدات انظم دورتي بحبوب منع الحمل

والان ابغى اعرف كيف احسب ايام التبويض عندي:

يعني اخر دورة جاتني 05/03/2011
وانتهت 11/03/2011 (دورتي سبعة ايام)

والان جاتني الدورة يوم 03/04/2011
وبتنتهي ان شاء الله 09/04/2011

متى بتكون فترة التبويض عندي وكم اصلا ايام دورتي الشهرية هل هي 30 يوم ؟ والله مدري كيف الحريم يحسبونها ؟

ارجوكم ساعدوني الله يخليكم ويرزقكم بالذرية الصالحة ترى بموت واجيب نونو

وانا عارفة انكم ماراح تقصرون معي ان شاء الله

الله يرزقج بالذريه الصالحه يااااا رب وتفرحين فيه

على حسب معلوماتي القديمه ان فترة التبويض تكون بعد انتهى الدورة بـــ 7 ايام

يعني انتي انتهت دورتج 9 / 4 بتكون فترة التبويض 16 / 4

لين قبل جيتها مره ثانيه بــ 7 ايام يعني من 16 / 4 إلى 25 او 26 / 4 والله اعلم


والأفضل تروحين عن دكتورة نسائيه علشان تحسب احسن وافضل عني

والله يسهل امورك وتحملين بالذريه الصالحه ويبعد عنه كل شر

وبشرينى بالنتايج الحلوه الله يوفقك

موني حبيبتي ان شاءالله تحملين قريب يالغاليه ،،،،،

انتي حاليا تاخذين حبوب منع الحمل لتنظيم الدوره؟؟!! ترهااا عزيزتي هذي الحبوب فنفس الوقت تمنع الحمل ......واللي اعرفه انه ما تنزل بويضه فيها لا اللي تنزل بطانه الرحم بس بدون تبويض ......أنا كنت اخذهن قبل عملتي عشان مااحمل ....وتركتهن بعد العمليه بشهر ،،،،وبعدين مانتظمت ظلت شهر ما جاتني !! وبعد مع نزول الوزن الحمدلله صاااااارت جدااا طبيعيه وحسيت اني انثى .....والحمدلله حملت بعد 5 شهور من العمليه اللهم لك الحمد.......

نصيحتي لي اتركي هالحبوب لان الدوره راااح تنتظم باذن الله برووحها مع نقصان الوزن......

انتي دورتج مدتها 30 يوم .......والتبويض يبنحسب من اول يوم دوره لين اليوم 14 ثم يبداء التبويض ....
نصيحه مجرب اتركي الحبوب وصبري ما يقارب 3 شهور وبتحملين بأذن الله تعالى

ونصيحتي لج .....

أول يوم دوره شربي مغلي القرفا >>تنظف الرحم

أكلي عسل +حبه البركه >>أنا كنت اكل عسل عشان جسمي وعشان اكمل وعشان الامساك والعسل بدون مااقول جداا مفيد اما حبة البركه كنت اكلهاا مع الشابوه
وكنت اكل طلع النجيل >>بس الحين مااعتقد تلاقينه انتهى موسمه اعتقد،،
وعليج بالدعاء ،،والتقرب لله تعالى ..واقري عبطنج الحمد 7 مرات وثم قولي ربي لا تذرني فردا وانت خير الراحمين
واقري سوره البقره حتى لو جزء فاليوم ،،،،،

اعيد نصيحتي لج اتركي الحبوب اذا تبين تحملين...ان شاءالله تحملين قريب ع فكره كنتي عبالي من كم يوووم.

ايوه نسيت انا أخذت حبوب الفوليك اسيد قبل حملي بشهر والحمدلله حملت ادعي لي ربي يتمم ع خير يارب

وادخلى بيبي سنتر وبيحسب لج فتره التبويض.

يارب يابتول تقومي بالسلامة وربي يرزقك الذرية الصالحة المعافاة

والله يجزاكي الف الف خير

وبيني وبينك وربي محتارة ماني عارفة كل الدكاترة اللي عندي في المستشفى يقولون لي

تبين تنظمين دورتك خذي حبوب منع الحمل وماني عارفة اسمع كلام مين ؟؟

بس الظاهر ان شاء الله اذا انتهيت من الدورة بصلي استخارة وامري لله

ربي يوفقج يالغلا ....واللهم امين .....بس والله انا مجربه وما حملت الا لما تركتهاا تنتظم عراحتهااا لانهاا مع خساره الوزن تنتظم والله.

صادقة حبيبتي وانا مجربة قبل كذا كل ماانحف شوي تجيني الدورة منتظمة

يمكن شكلي استعجلت عشان بعد الاسقاط ماجاتني شهر

مشكورة حبيبتي مرة ثانية

على فكرة الموقع جدا رائع وحلو تسلمين يا عسل من جد استفدت منه

إن شاء الله يفيدك هالموقع

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]



وهذا ممتاز يحددلك بقية الاشهر بعد

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ربي يرزقني ويرزقك الحمل يارب

شوفي حبيبتي اول صح نستخدم حبوب منع الحمل عشان تتنظم لان السمنه هي الي مانعه انتظامها

الان انتي وزنك حلو وكل شوي ينزل زياده اجل خلاص يعتبر الشي الي ملخبط الدوره عندك شبه راح الي هو السمنه يعني اتركي الحبوب من الشهر هذا ولا عاد تستخدمينهن ابد الا بعد ولادتك يارب

وياعمري مايجي حمل مع حبوب المانع لان الحبوب تصغر حجم البويضه عشان ماتستجيب للحيوان المنوي << اسفه لشرحي بس حبيت انبهك اتركيهن مثل ماقالت اختي البتول

واشربي قرفه ودوش ( بردقوش) وزعتر ينحفن ونفس الوقت ينظمن الهرمونات

ولا تنسين العسل الاصلي اخلطي معه حبة سمرا
واختي البتول ماقصرت بكلامها اشرحتلك

واهم شي الدعاااااااااااااء

ربي يرزقك الحمل عاااجل غير اجل وتجين تبشرينا بحملك قولي ااامين