عدد مرات النقر : 0
عدد  مرات الظهور : 69,199,748
عدد مرات النقر : 0
عدد  مرات الظهور : 65,889,084
عدد مرات النقر : 0
عدد  مرات الظهور : 61,882,196
عدد مرات النقر : 0
عدد  مرات الظهور : 61,882,090
عدد مرات النقر : 0
عدد  مرات الظهور : 33,758,831
عدد مرات النقر : 0
عدد  مرات الظهور : 90,370,320
آخر 10 مشاركات


العودة   منتديات بدانة كلينك بإشراف د. سلطان التمياط > ...:::: المنتديات الجراحية التجميلية ::::... > - منتدى الجراحات التجميلية > - قصص ويوميات أصحاب الجراحات التجميلية

- قصص ويوميات أصحاب الجراحات التجميلية قصص يرويها الأعضاء وتجاربهم الناجحة

الإهداءات
فتوفتافيت : مساءالخير جميعا اعضاء بدانه كلينك يارب تكونوا بافضل احوالكم وحشتوني كثير اتمنى يكون الجميع 💞 بافضل حال يارب وكل عام وانتم بخير .بعد غياب طويل لي     مايا هابي : اجمل ايام حياتي كانت هنا مع اجمل ناس واطيب صحبة واقوي ارادة..الله يسعد الجميع     ĀĽ-ṀặηặĹ : مساء الخير بدانه كلينك     دانه نجد :     لينا دويدري : كل عام وأنتم بألف خير وصحة وعافية     دبدوب2009 : اسعد الله صباحكم وحياتكم بكل خير ونعمه     الجوهره 2 : بدانه كلينيك ايام جمييييله وذكريات راائعه ما تنسى ابد وحشني منتداي الغالي واعضائه     الجوهره 2 :     لينا دويدري : بدانة كلينك بإدارة الدكتور سلطان التمياط ترحب بجميع تجاربكم ومعلوماتكم وأسئلتكم التي لا تتضمن ذكر اسم الدكتور والأسعار..شكرا لتفهمكم     لينا دويدري : بدانة كلينك عيادة الدكتور سلطان التمياط في مستشفى المواساة بالدمام نرحب باستفساراتكم على الرقم 0581022222     لينا دويدري : هل أنت بدين؟؟.. ننصحك بزيارة عيادة الدكتور سلطان التمياط استشاري جراحة البدانة لمعرفة العملية المناسبة لك.. تكميم أو تحوير أو تحوير مصغر.. للاستفسار والحجز التوصل عبر 0581022222     لينا دويدري : البالونة المبرمجة .. لا تخدير لا منظار وتخرج بصورة طبيعية بعد 4 أشهر     لينا دويدري : الجراحة ليست الحل المناسب لك ... إسألي عن البالونة المبرمجة الذكية لإنقاص الوزن     لينا دويدري : جديد في بدانة كلينك الآن البالونة المبرمجة بعيدا عن التخدير وغرف العمليات للاستفسار 0581022222     د.سلطان التمياط : الإخوة والأخوات أضاء وزوار المنتدى تحية طيبة لكم جميعاً وأتمنى لكم الصحة والعافية والرشاقة    
إضافة رد
 
أدوات الموضوع انواع عرض الموضوع
قديم 03-06-2016, 01:56 AM   رقم المشاركة : 1
بيان3
عضو جديد
 
الصورة الرمزية بيان3
تاريخ التسجيل : Nov 2013
رقم العضوية : 61014
 المشاركات : 2
 الجنس : أنثى
الطول : 166
الوزن الحالي : 81
اخر مواضيعي
الحالة
بيان3 غير متواجد حالياً
بيان3 is on a distinguished road
افتراضي هذي بداية قصتي.. والله يجعل النهايات سعيدة .. (عملية شد البطن)

السلام عليكم ورحمة الله وبركاته جميعا ..
مستمعة قديما لمدة 5 سنين . وشاء الله انه يجي الوقت الي اكتب فيه ..
كيف ابدأ .. رح احكي لكم اليوم بدايتي .. وهي الي وقفت عندها 😞 وقفت عند البداية للاسف.. ممكن اجتاز هذي العقبة وامشي لكن محتارة .. وجيتكم
اولا انا بنوته مكرشه من الصغر . تكوينة جسمي كذا من صغري من وانا طفلة . وحاسة بهالشي من وانا طفلة ايضا.. يعني وعيت على مشكلتي بدري .. وكل كل كل شي كنت اسويه خلطات تمارين ... الخ .
كان موضوع قطع كرشتي ورميه 😂 ( عملية شد البطن )
كانت حلم يراودني واستمتع فيه لكنه حلم مجرد حلم مادريت انه يتنفذ اصلا ..
كبرت وكبرت كرشتي وحملت وكبرت اكثر وكبر حلمي اكثر لكن توقعت هالعمليات تتسوى برا بلبنان مثلا من مانسمع انه عمليات التجميل تتسوى برا دايما وبلبنان
فتحت قوقل وكتبت عملية شد البطن . وطلعت لي فيدوهات كثييره وانه عملية عااديه وممكنه ..
الصدمة الثانيه لما عرفت انها تتسوى بالسعودية وبالرياض😐 وانه كثير كثير سووها .. واطيح على منتدى بدانه واقرا واقرا وعيوني مفتوحة عالاخر واقرا قعدت بلا مبالغة يمكن 3 ايام ورا بعض بس اقرا في المنتدى .
وضح حلمي شوي وبدت معالمه وعرفت انه ممكن يتحقق لكن. كيييييف؟؟
كلمت زوجي بالموضوع وتحمس معي وقال نسويها في حكومي احسن وبحث في الحكومي قالوا انه مايسووها الا للي سووا عندهم عمليات تكميم ! جا زوجي اخذ اسماء كل الجراحين الي في الحكومي وقالي شوفي اذا احد منهم عنده عيادات خارجيه نسويها عنده يكون احسن اضمن اذا الدكتور يعني يشتغل في حكومي معناته انه كويس( وجهة نظره هو )
جاب لي اسماؤهم بس الي اعرفهم ماصار لهم عيادات خارجيه والي عندهم عيادات خارجية ماعرفهم ماقد مروا علي ..
المهم صرت اقرا واقرا وتكونت عندي خلفية عن الاطباء وسبحان الله ارتحت للدكتور عبدالله الثنيان .. وارتحت برضه ماديا انه زيادة على كذا هو ارخص واحد .. بس ظني ماكان في مكانه هههههههههه صار غالي ..
وبدأت رحله البحث عن الدكتور والبحث والبحث كان في عيادة جوفا اتصلت اخذت موعد قالوا بعد شهر . بعد شهر اتصلوا علي يأكدون الموعد وكنت بردت ونسيت الموضوع ههههههه
قفلت عالموضوع وقررت اني ما افتحه الا بعد ما احمل واولد انشالله
بعد 3 سنوات حملت الحمدلله وبحثت عن الدكتور الثنيان مرة ثانيه صار بالمركز التخصصي. ولدت بالسلامة واتصلت اخذ موعد بعد ما اطلع من النفاس بإسبوعين..
في النفاس كنت في موعد للبيبي ومعي زوجي وكنت اكلم المستشفى التخصصي وزوجي سمعني وسألني وعلمني قالي منتب صاحيه وبس!
قبل ما اطلع من النفاس بأسبوع جا يزورني ومع السوالف قلتله انه الاسبوع الجاي موعدي! عصب وعصب وقال انا مو راضي وماراح تسوينها وزعل وطلع 😯😯
رجعت من النفاس ورحت للبيت وقبل الموعد بيوم ذكرته فيه وهاوش وقال انه فيه حل بديل فيه رياضة فيه ريجيم لو تنحفين بيروح الكرش ووووو
انا طبعا كل كل شي سويته تخفيف رياضة مشد خلطات شواهي حتى جلسات تكسير دهون ال إل بي جي
مانفعني سبحان الله .
اتفقنا انه اروح استشارة بكرى بس! نشوف يمكن الدكتور يقول انها بتروح مع الرياضة مثلا؟؟ وانا فعلا كان عندي امل وتفاؤل انه بيقول لي ماتحتاجينها ..
رحنا من بكرى واحنا زعلانين في السيارة🙁 وتاخرت مادخلت على الدكتور وهو عصب.. دخلت على الدكتور وكانت الكشفية 300 ريال..شافني وعلطول قالي 😔😔انه بيقص البطن من فوق السر الى العانه حول الشبر تقريبا وانه بيخيط عضلات البطن وبيشفط الجوانب ومنطقة البطن العلويه . والخط الخياطة بيبدأ من عظمة الحوض لعظمة الحوض .والسعر باكج كامل ب 25 الف مع مافيه مجال ينقص منها ولاريال مع اقامة يومين ومايشمب السعر المشد ب550 مدري وش عايقهم ماضمّوا المشد للبكج دامه الزامي
انا بكيت 😩من وين لي 25 توقعتها 15 - 18
وزود على كذا قمت ارتجف خوف من العمليه يوم قالي انه احتاجها فعلا . قال اذا انتي اذا جلستي بطنك ينصفط ويطيح على فخوذك اذا انتي تحتاجين.
المهم الدكتور يتكلم كانه يبيع مثلا في محل وانتي جايه تشترين. يتكلم ببساطة وبسرعة وانه الموضوع عااادي عنده زي شربة العصير!
وقالي اذا قررتي اتصلي على السكرتيره وخوذي موعد! وطلع ..😩 ياربي بهالبساطة !!!!
طلعت اخذت رقم السكرتيره ونزلت لزوجي وبلغته بكل شي وأسكت هو لااااااتعليق ...







رد مع اقتباس
قديم 03-06-2016, 01:58 AM   رقم المشاركة : 2
بيان3
عضو جديد
 
الصورة الرمزية بيان3
تاريخ التسجيل : Nov 2013
رقم العضوية : 61014
 المشاركات : 2
 الجنس : أنثى
الطول : 166
الوزن الحالي : 81
اخر مواضيعي
الحالة
بيان3 غير متواجد حالياً
بيان3 is on a distinguished road
افتراضي

طيب.. نجي للمهم
بعد اسبوعين تقريبا .. فتحت الموضوع معه ورافض رفض بات
هو مو رافض.. هو كلامه غريب. يقول انا مو مقتنع. مستحيل ارضى تسوينها وانا مو مقتنع..
احاول فيه ويقول لي اذا تبيني ارضى بالغصب ليه تسأليني اصلا.. الرضى بالغصب ماله أي اعتبار ..
خلاص سويها بدون ماتقولين لي! يعني معنى كلامه لاتحطين لي اي اعتبار انسيني زي كذا
واحنا نلف وندور .. هو يقول انتي مو مضطرة تقدرين توخرين كرشتك بالرياضة والريجيم.. انا اقوله اني جربت الرياضة والريجيم ومافاد! هو يقول اصلا مالك كرش ماتحتاجين العمليه. انا اقول له الا انا اعاني منها .. يالله وافق. هو يقول انا مو مقتنع . واذا انتي مصرة لهالدرجة خلاص سويها بدوني وبدون ماترجعين لي!
انا حمقت وقلت اوكي . طيب بسويها بروحي
ورحت للغرفة .. بالعاده هو بمواقف زي كذا يزعل . لكن لحقني وبدا يتلطف معي ويقولي عن مخاطرها وكذا .. وهي مو من عوايده لكن كان بيكسبني عشان يشغلني عن العملية .. من بكرى صار يعاملني فل الفل 😩يعاملني يابنات كأني عروس مره مره يبيني اصرف النظر بأي طريقة ..
كلمت المستشفى وقالت لي فيه موعد بعد 3 اسابيع .. لكن تجين خلال هاليومين تدفعين العربون . وتجين قبل العمليه باسبوع تدفعين المبلغ كامل ويشوفك طبيب التخدير وتسوين التحاليل وكذا
رجع البيت وقلت له .. قال طلعيني من الموضوع ومالي دخل وتبين روحي من وراي ..
زانت امورنا شوي و من بكرى رحنا لمطعم نتغدى وصار قدام المستشفى .. قلت له شرايك نمر؟ قال بعدين بعدين ..
رجعنا البيت بالليل قلت له توديني بكرى؟ عصب وقال مالي دخل وكذا واني اصلا مارضيت وووو
قلت له لو مارضيت راح اموت! قال قفلي عالموضوع والموضوع غير قابل للنقاش!!!!!ولاتخليني ارفض عناد !!!
ياسلام! يوووم خلاص وصلت لاخر حلقة كذا يتقفل! وينتهي كل شي! تعب 5 سنين راح عالفاضي! بعيش كل عمري مشوهه بكرشي لاثقه بالنفس لا لبس زي الناس غير اسئلة انتي حامل انتي حامل ..
مستحيل .. يوم تخيلت حياتي الجديده وشاوفت لها وعرفت انه ممكن اعيشها .. فجأة كذا لا.... وبتستمرين على شكلك القديم ومعاناتك القديمة !! لا ألف لا ..
يوم وصلت لطريق مسدود بأنه منعني من النقاش معه والمحاوله معه .. جيت وقلت له :
شف .. يا أنا ياكرشتي !!! ما اعيش انا وياها .. يا اشيلها يا اموت!!! انت خايف علي ما اسوي العمليه خايف اموت؟ اوكي انا بموت الحين من دون عمليه وبأنتحر!!
قام يتطنز فيني وانه انتي ساويتي العمليه بحياتك وش هالتفاهه!! قلت له عشان تعرف وش كثر هي مهمة لي . واني ماسويتها لعب وفشخره او فضاوة .. بعدين لا ليش اموت ! فيه طريق ثاني للحياة انه تطلقني وأسويها وأعيش حياتي ! اذا تبي ترجعني عقب العملية حياك الله ..
اي والله يابنات مدري كيف تجرأت وسويتها بس خلااااص كنت ابي اي خيط امل اتشبث فيه ، مستحيل اتخلى عنها لو ايش!
هو انصدم وقال تبيعيني برخيص! قلت مو رخيص قلت لك اني ساويتها بحياتي .. هذا شي غاااالي ..
قال لهالدرجة انا ما اهمك وانا مو شي عندك ووو
قلت والله من الاول انا ماهميتك ولا همتك رغبتي ولا انبساطي ولا راحتي النفسيه .. انت الي مو شايفني شي.. وش تبغاني اسوي..
قااااال اوكي . سويها من غير لا ادري.. قلت عادي عندك ادخل المستشفى لحالي وادخل العمليه لحالي ويشقون بطني وانت مو معي. وانا ابكي يابنات كاسرة خاااطر نفسي مرره.. قال لي : احسن من اني اقول لك لا !
قلت : عادي زوجتك تتخدر تخدير عام وانت مو جنبها وتصحى وانت مو جنبها؟ قال: أححسن من اني اقولها لا!!!
انا جتني قوة حسيت اني مالي الا نفسي ولازم اقوى روحي . مسحت دموعي وقلت له: اوكي! اقدر اسويها لحالي انشالله.. وماراح احتاج لأحد ..
طارت عيونه😂قلت له: شايف كنب الصاله؟ ترى بروحي رحت اخترته واشتريناه.. شايف المجلس؟ بروحي رحت اخترت الاقمشه ودورت محل يفصل وجبت العامل للبيت وعطيته المقاسات والموديل .. بروحي
شايف غرف العيال؟ ترا بروحي اخترتها واشتريتها ..
وهو طايره عيونه اكثر واكثر .. لانه فعلا يابنات يوم تأثيث البيت كنا نمرّ بظروف انشغل هو فيها عن البيت تماما واضطريت أأثث بروحي .
المهم .. قلت له : انه الي سويت هذا كله لحالي.. مو عجزانه ادخل عمليه لحالي!!!
وتركته ورحت للمجلس كنت ابغى اقعد بروحي..ماكان فيني بكا ولاعبره ولازعل فيني قوة عجيبه جلست بس افكر واخطط واحط سيناريو للي جاي ..
جاني .. قالي ترا انا من مصلحتك رافض ومن حبي لك ومن خوفي عليك .. وانتي فكري بالموضوع.. وطلع..
تميت افكر وافكر.. لين نمت
قمنا من بكرى انا طبيعي والرجال زعلان😂شاف مايفيد فيني المعامله الحلوة قال اجرب معها القوة يمكن تنثني!
جيت ارسلت له انه نزّل عربية البنت من السيارة
واذا تسمح بروح مشوار العصر. طبعا (مشوار )لانه قالي لاتعلميني شي عن العمليه .
قالي طيب ونزل عربية البنت وراح ..
وانا طقتني ام ام الركب. اروح ادفع العربون ولالا . كيف اسوي هالخطوة مستحيل مررره صعبة .. صكت بي الدنيا وصارت سوداء واعوذ بالله. خوف على حيرة على خيبه على كلش
دقيت على السكرتيره قلتلها لو سمحتي ممكن تدمجين موعد دفع العربون مع موعد التحاليل؟ انه مواصلاتي صعبة وكذا .. قالت طيب خلاص تعالي نهاية الاسبوع معك المبلغ كامل تدفعين وتخلصين امورك وبعدها تجين لموعد العملية بس .
الحمدلله انبسطت انه صار فيه مهله .. وانه طاح عني مشوار ..
والرجال رجع للبيت زعلان😞مع انه عارف اني مارحت للمستشفى .. لكن شكله بيضغط علي ..

طيب الحين .. اراؤكم ؟؟ اسعفوني؟؟ ماكلمت احد من اقاربي لاني خفت يدري امي وابوي ويرفضون اسويها..
لكن شرايكم بموقف زوجي؟ تتوقعون بيزعل مدى الحياة😰 وهل فيه احد مرّ باللي مريت به؟ او مواقف مرت عليكم؟ وكيف تصرفوا؟؟ يعني لاحظوا في البداية كان متحمس معي وبعدين انقلب.. وفيه نقطه من الاشياء الي مخليته معارض انه فتح صور قوقل وشاف الجرح وقال انه مشوه ومدري ايش بيشوهك وبأتقزز منه.. قلتله اي جرح بالبدايه كذا بيصير.. بعدين بيلتئم وخلاص.. قال لا اني كل ماشفته باتذكر وكذا ..
مدري مدري مدري.. يهمني رضا زوجي مره مره مره مره وهو كل حياتي وهاليوم الي زعلان فيه منكد علي مره
لكن قرار اني اعيش مع كرشتي بعد ماقربت اني اتخلص منها صعب صعب صعب ..
اتحفوني 😞 انتظركم ...







رد مع اقتباس
قديم 03-07-2016, 12:09 PM   رقم المشاركة : 3
نادينا
عضو جديد
 
الصورة الرمزية نادينا
تاريخ التسجيل : Feb 2016
رقم العضوية : 76399
 المشاركات : 13
 الجنس : أنثى
الطول : 153
الوزن الحالي : 55
اخر مواضيعي
الحالة
نادينا غير متواجد حالياً
نادينا is on a distinguished road
افتراضي

مرحبا اختي بيان 3

من جد حزنتيني وتفاعلت معاك بس كنت احسب انه قصتك يتنتهي بنهايه الي انتي تبغيها بس للاسف تفاجئت بنهايتك

الله يفرجها عليك ويناولك الي في بالك......أختي بنصحك نصيحه رضى الزوج مهم ولاغنى عنه وكمان نفسك لها عليكي حق.

شوفي أختي الرجال لازم تتعاملي معاهم بزكاء يعني انا اتوقع لو انه جيتنه من ناحيه طبيه ما كان رفض وكان وقف معاك يعني مثلا لو قلتيله اني انا عندي ضعف في العضلات شديد وهذا الضعف خطير مستقبلا وممكن يسبب فتاق ومشاكل وألام اتوقع انه راح كان يوقف معاك لكن لانه انتي جيتيه من ناحيه تجميليه نفسيه عشان كذا هو رفض شافها شي غير مهم. بيني له اهميتها طبيا واش انتي ممكن تتجنبيه من مشاكل في المستقبل. خذ راي طبيب ثاني او كلمي دكتورك واشرحيله وضعك وموقف زوجك ممكن انه يساعدك من خال انه يبين لزوجك اهمية هاذي العمليه وانها مو بس تجميليه. خليكي حازمه مع زوجك وعمرك ماتسئليه عن رئيه في شيء يخصك خليك حازمه في مواضيعك الخاصه قولي له انا محتاجه العمليه هاذي لاسباب طبيه اكثر منها تجميليه والدكتور حدد لي موعد وبيكون في التاريخ الفلاني ونتهينا حطيه تحت الامر الواقع. واسنخيري ربك قبل كل شي مره وثنين وان شاء الله بيسر لك امورك وبسخره لك.

قد اكون اصبت بنصحك وقد اكون أخطئت هذا رئي البشخصي والله اعلم
في ذكاء العمليه هاذي سهله والكل صار يسويها والاعمار بيد الله.







رد مع اقتباس
قديم 03-08-2016, 04:34 PM   رقم المشاركة : 4
حياتي تفاؤل
عضو جديد
 
الصورة الرمزية حياتي تفاؤل
تاريخ التسجيل : Feb 2016
رقم العضوية : 76448
 المشاركات : 6
 الجنس : أنثى
الطول : 158
الوزن الحالي : 58
اخر مواضيعي
 

الحالة
حياتي تفاؤل غير متواجد حالياً
حياتي تفاؤل is on a distinguished road
افتراضي

مساء الورد
اولا استخيري ثم استخيري ثم استتخيري

اذا حسيتي بشي يدفعك دفع للعمليه فباذن الله انها الخيره

اكتبي له رساله بخط يدك،عبري فيها عن مشاعر حب واحترام له وعبري عن حاجتك للثقه بجمالك امامه وانه عشان خاطره


وتوكلي على الله وادخلي العمليات مع احد من اهلك

وصدقيني بيحن ويرجع يوقف معك ،وبيشوف جسمك جممممممميل بدون كرش وراح تلبسين له مااايوه وراح ينهبل وينسى اللي صار

اما عن الجرح فمثله مثل العمليه القيصريه لو اضطريتي تولدين بقيصري ماراح يقول مقزز ومدري ايش بس لانه يبغى يردك عن العمليه


وبعدين عالجيه بالليزر واستمتعي بحياتك







رد مع اقتباس
قديم 03-15-2016, 02:25 PM   رقم المشاركة : 5
الدلوعه دبدوبه
عضو دائم
 
الصورة الرمزية الدلوعه دبدوبه
تاريخ التسجيل : Mar 2011
رقم العضوية : 21811
 المشاركات : 755
 الجنس : أنثى
الطول : 163
الوزن الحالي : الله يعين
اخر مواضيعي
 
0 انصحوني

الحالة
الدلوعه دبدوبه غير متواجد حالياً
الدلوعه دبدوبه is on a distinguished road
افتراضي

الله يكتب لنا ولك مافيه الخير يارب العالمين انتِ نفس مشكلتي لكن جيبيها له انه من ناحيه صحيه وليست تجميليه والله يسرها لنا ولك يارب







التوقيع :
اللهم لك الحمد حتى ترضى ولك الحمد إذا رضيت ولك الحمد بعد الرِّضـا..
حسبي الله لاإله إلاالله عليه توكلت وهـــو رب العـــــــــرش العظيــــــــــم

رد مع اقتباس
قديم 03-24-2016, 10:53 PM   رقم المشاركة : 6
غيداوي
عضو جديد
 
الصورة الرمزية غيداوي
تاريخ التسجيل : Jan 2016
رقم العضوية : 75839
 المشاركات : 3
 الجنس : أنثى
الطول : 160
الوزن الحالي : 70
اخر مواضيعي
 

الحالة
غيداوي غير متواجد حالياً
غيداوي is on a distinguished road
افتراضي

رايي تستخيرين اولا واخيرا عشان ترتاحين
بعدين 99% من الرجال يرفضون لاتتضايقين وتحسين انو زوجك يعاندك ومايبي لك الزين..
لاكن حاولي تقنعينه مو بالصوت العالي والعناد والتحدي.. ولا بانك ضعيفه ورايك بايده افتحي الموضوع معاه مره ثانيه ,, وقولي هذا شي شخصي ويهمني وانا جدا مصره عليه ,, لاكن الي مزعلني انك مو فاهمني(لاتقولين مو راضي اسويها) وانك خايف علي من شي بسييييط كل العالم تسويه وانا مقدرة خوفك علي الله لايحرمني منك .. ومن الكلام الزين 😉







رد مع اقتباس
قديم 06-20-2016, 05:00 PM   رقم المشاركة : 7
حفيضةمخشوني
عضو نشيط
 
الصورة الرمزية حفيضةمخشوني
تاريخ التسجيل : Jun 2016
رقم العضوية : 77733
 المشاركات : 63
 الجنس : أنثى
الطول : 1.70
الوزن الحالي : 56
اخر مواضيعي
الحالة
حفيضةمخشوني غير متواجد حالياً
حفيضةمخشوني is on a distinguished road
افتراضي

شكرا على الموضوع الاكثر من رائع، ونتمنى أن نراك في مواضيع قادمة إن شاء الله ذاخل المنتدى لإفادة الغير وإثراء محتوى المنتدى الرائع.







التوقيع :
كتب بقلم مريم، حاصلة على شهادة عالمية في مجال الحمل والولادة وإختيار عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]، انا هنا لمساعدتكي على عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] بشكل امن وساعدتكي للحصول على عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] .

رد مع اقتباس
قديم 06-21-2016, 07:29 AM   رقم المشاركة : 8
دبدوبه مملوحه
عضو نشيط
 
الصورة الرمزية دبدوبه مملوحه
تاريخ التسجيل : Dec 2010
رقم العضوية : 18852
 المشاركات : 51
 الجنس : أنثى
الطول : 173
الوزن الحالي : 89
اخر مواضيعي
الحالة
دبدوبه مملوحه غير متواجد حالياً
دبدوبه مملوحه is on a distinguished road
افتراضي

اتمنى ماتكوني سويتيها
طمنينا عليك
الله ييسرلك اللي فيه خير







رد مع اقتباس
قديم 07-11-2016, 02:41 AM   رقم المشاركة : 9
حفيضةمخشوني
عضو نشيط
 
الصورة الرمزية حفيضةمخشوني
تاريخ التسجيل : Jun 2016
رقم العضوية : 77733
 المشاركات : 63
 الجنس : أنثى
الطول : 1.70
الوزن الحالي : 56
اخر مواضيعي
الحالة
حفيضةمخشوني غير متواجد حالياً
حفيضةمخشوني is on a distinguished road
افتراضي

موضوع جميل ومفيد في عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] بارك الله فيك.







رد مع اقتباس
قديم 09-30-2016, 12:21 PM   رقم المشاركة : 10
جرادة
عضو نشيط
 
الصورة الرمزية جرادة
تاريخ التسجيل : Apr 2016
رقم العضوية : 76956
 المشاركات : 77
 الجنس : أنثى
الطول : 147
الوزن الحالي : 56
اخر مواضيعي
الحالة
جرادة غير متواجد حالياً
جرادة is on a distinguished road
افتراضي

افرشي سجادتك وادعي الله. وربي بيسخر لك زوجك واللي. حولك وربي حاسه فيك انا امر حالياً بنفس ووضعك وفي صراع امانه طمنينا عليك وش يصير معاك اذا قررتي. 🌸







رد مع اقتباس
إضافة رد

مواقع النشر (المفضلة)

الكلمات الدلالية (Tags)
عملية شد البطن


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Ads Organizer 3.0.3 by Analytics - Distance Education
الساعة الآن 02:30 AM