حبيت أشارك تجربتي مع تحويل المسار المصغر بعد التكميم، وإزالة المراره والحمدالله رب العاليمن على الصحه والعافيه اللي انا فيها الان اللهم لك الحمد والشكر ويا الدور على الحين طبعا كنت اعاني من المراراه من سنتين ويوم زاد العوار وقالوا لي لازم اشها كنت بين نارين اشلها واعيد التكميم ولا شوه اسووى وبسرعه فى اسبوع قررت اني اسوى تحويل مسار بعد مدح الدكتور من صديقاتي وتوكلت على الله وهو شاطر ومعاي لحظة بلحظة ويرد على الواتس اب اول باول.
لان زاد وزني بعد التكميم منذ 8 سنوات كنت مسوتنها 2013 كان وزني 128 وقف عند 86 مانزلت وخلال هذي السنوات زاد حيث وصل 105 وكان عندي آلام فى الظهر وإكتئاب وآلام المراره وأسودة الدنيا بوجهي صرت اتعب من اليلسه استويت ثجيله لاني واهملت نفسي كثير لاني كنت مشغوله مع ابوي الله يرحمه برحلة علاجه سنتين لين توفى ربي يسكنه فسيح جناته فزاد وزني 12 كيلو بدون لااحس كان سنتين صعبين الحمدالله رب العالمين كورونا ودخول ابويه الله يرحمه المسشتفي بين العنايه وبين الاجنحه نفسيا تعبت وزاد وزني وياني سكر فقررت اسوى عملية تحويل مسار بعد النتايج اللي شفتها وعسب لايرجع الوزن مره اخري ويا يوم العمليه اللي حدده لي الدكتور كان يوم الجمعه 18/11/2022 استودعت الله امي الغاليه وصديقتي نامت عندي علشان توديني المسشتفي وتأزرني وصلنا المستشفي وسويت إجرا ءالدخول ودخلوني العمليات على 11 طبعا صديقتي معاي تدعيلي وتصورني وتقول لي فديت اللي بتودع المتن مرحبا الرشاقة وماوعيت إلا ساعه 6 وكنت اتويع الم ماعرف شوه اقوله وتميت فى المستشفي 3 ايام والمفروض يوم طبعا ماقدرت اشرب اللي هم ايبونه ولا اكل اسكريم من الخوف ماعرف شوه ياني اول يوم مشوني اشوى ثاني يوم زاروني صديقاتي وكنت امشي وانا اصيح الم فى الصدر فظيع طبعا هذا كله غازات وجلست ابكي وندمت اني سويت العملية لاني كنت استفرغ ولين وقت الخروج طلبت اوبر ورجعني البيت الحمدالله رب العاليمن على الصحه والعافيه اللي انا فيها الان اللهم لك الحمد والشكر ويا الدور على الحين , الوزن من اول شهر واسبوعين خسرت 11 كيلو ماشاء الله كنت 105 وصلت 93,أخيرا تخلصت من الرقم الثلاثي الف مبروك على اللهم لك الحمد والشكر عقبال مااشوف وزني المثالي ونفسيتي تتحسن.
نظام الاكل كالتالي اول اسبوع سوائل ثاني اسبوع سوائل ثجيله عصاير شوربة روب لبنة و 3 اسابيع مهروس هريس شوربة محشي ملفوف ماتحملت السلمون وقفته بعدها الاكل الطبيعي بديت شيش طاووق وشورما بيض كوروسون توست وكوربي عدي اللي جاي على خير لان فيني إكتئاب شديد
فزاد عندي نفسيتي تعبت واستويت ام دميعه لاني محرومه ماروم اكل قبل وناستنا وزعلنا نحطهم فى الاكل واول شهر كنت اجازة ماحسيت فيها كلها نوم ثم عدت للعمل وتعبت ثم اخذت إجازة راحه 3 ايام شعوري بالتعب والرغبه بالنوم والان مرحلة الاكل الطبيعي ومازلت اخربط بالقياس والخوف المسيطر على اني اعاني من الدابنج والقلق اني ارجع فى الشغل
دعواتكم لي تمر ايامي على خير الحمدالله تجاوزة فترة التعب والمعاناة والخطر وربي يعطيني القوة على اللي ياي دعواتكم لي سوالي للمتحورين متى بديتوا تاكلوا طبيعي وكيف اطلع من دوامة الاكتئاب
الإهداءات
المواضيع المتشابهه
تحويل مسار مصغر وإزالة المرارة بعد التكميم
العرض العادي
