٣ ايام من التكميم

[المجهولة]

السلام عليكم ورحمة الله وبركاته
انا سويت العمليه من تاريخ ٢٦ من هذا الشهر
وماقدر اشرب السوائل ولا حتى الماء لانه يألم ولازم اخذ شهيق وزفير عشان ارتاح والله اني اغصب روحي عشان الجفاف
بدأ يظهر علي وجهة اليسار من العمليه يألم وايييد لدرجة ماقدر امشي الا وانا مجندسه على قدام .. وكل الغثيان والترجيع من بعد الشوربه كان مجرد تفال عزكم الله ودم قليل بس اليوم ابد مارجعت الحمد لله اعراضي هاذي طبيعية ولا لا خايفه من التسريب مع ان الدكتور قالي تمام كل شي اوك افيدوني

[لينا دويدري]

وعليكم السلام
ألف الحمدالله ع سلامتك
لاتقلقي باذن الله راح يتحسن شربك
أنصحك كل ساعة بشرب كوب من الماء ببطء شديد كل دقيقتين رشفة صغيرة ومع الوقت سوف يتحسن شربك وراح تكوني مرتاحة
تحياتي لك

[المجهولة]

المشاركة الأصلية كتبت بواسطة لينا دويدري عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

وعليكم السلام
ألف الحمدالله ع سلامتك
لاتقلقي باذن الله راح يتحسن شربك
أنصحك كل ساعة بشرب كوب من الماء ببطء شديد كل دقيقتين رشفة صغيرة ومع الوقت سوف يتحسن شربك وراح تكوني مرتاحة
تحياتي لك

شكرا اسعدني ردك بقولج امس الليل تاريخ ٢٩ جتني الدورة الشهريه واحس بألم وانتفاخ في جهة اليسار اليوم بالذات لدرجة ماخلاني انام هذي غير النغزات هل يستدعي اروح الدكتور

[لينا دويدري]

ألف سلامة عليك ركزي ع شرب الماء وشرب السوائل الدافية ويمكنك اخذ بندول اكسترا كمسكن للآلام

[المجهولة]

ماشاء الله عليج كمية ايجابيه وكلامج يريح انا وايد تييني اوهام اني بمرض او بيصير لي شي لا سمح الله بس الحمد لله كلامج يطمن ... انا صار لي ٣ سنوات تقريبا وانا اقرأ في منتداكم عن العمليات وبعد هال٣ سنوات من التفكير والبحث
ودخلت تاريخ ٢٦ ابريل ٢٠١٧ الساعه ٧ كنت احس بخوف وبرد بس زوجي وام محمد(نرس) كانو يضحكوني ويخففون علي ودخلوني غرفة العمليات الساعه ٨ وشي ماعرف متى صحيت بس كنت احس في امي تناديني ونفس الضباب ورجعت نمت وماقمت تقريبا الا ٤ او ٥ العصر... احلى شي النرسات كل وحده معاملته احسن من الثانيه
كنت احس بالم لين اقوم ولين اقعد بس .. طبعا من اول يوم مشيت وكانو ماسكيني لانه كان راسي يدور واحس بدوخه رجعت البيت والاعراض اللي قلت لج عليها اكثر شي تلازمني بالليل تصدقين نومة المستشفى غير كنت نايمه بارتياح وطل الوقت وانا نايمه .. المهم الحين تقريبا صار لي ٦ ايام من العملية مستانسه اني سويتها... وبخبرج بعد بتفاصيل الوزن..
وافكر اسوي شد او نحت شرايج ببس ينتظر سنه كامله وبعدين بسويها

[سهام حمد]

الحمدلله على سلامتك
انا الدكتور كتبلي فوار سولبدين مسكن للألم بس لاني مااحب طعم الفوار فأخذته اول 5 ايام بعد كذا كنت لما احس بالم اقوم امشي عالسير والحمدلله كنت ارتاح وبالنسبه للماء اول شهر شربته طبيعي بس بعدها صار ثقيل عالمعده ويسبب غثيان واخذت بنصيحة لينا واضفت منكهات زي النعناع والليمون والزنجبيل والحمدلله الحين احسن

[آصحاب المعآلي]

حمدلله على سلامتج المجهولة وان شالله تكون بداية جديدة
لحياة جديدة أفضل كلها تفاؤل وصحة وعافيه ممتازة
حببت اقولج عشان ما تحسين بالدوخه والهزال اشربي
سوايل من 2 الى 3 لتر عشان تلاشين التعب والإجهاد


وربي يرزقج الخير وان شالله النتائج ترضي مجهودج

[لينا دويدري]

نسعد دائما بسماع أخباركم
والتطورات المرغوبة
بالنسبة للشد والتجميل يفضل بعد سنة من العملية عند ثبات الوزن على الرقم المثالي
تحياتي لك

[المجهولة]

اليوم قست وزني صار لي تقريبا اسبوعين من العملية
نزلت 10 كيلو ما شاء الله وان شاء الله النزول اكثر خلال
الاسابيع القادمة ...
طبعا هالايام دايم احس باللوعه ودي ارجع بس مافيه شي يترجع
لاني عايشه بس على الماي خاطري اشرب ترمس ماي من العطش
بس ماقدر دايم احس باللوعه 😢
طبعا الدكتور اليوم عطاني اقراص لتخفيف اللوعه واشربهم قبل الاكل
بنص ساعه ..
وعطاني بروتين بالشوكلاته احطه مع السوائل البارده ...
قلت له اني دايم احس بدوران اذا كنت قاعده وثم قمت قالي من قلة الماي لازم تكثري من الماي على الاقل لتر ونص مثل ماقلتي دكتورو لينا 😙
بعد اسبوعين نجوف كم بيصير وزني 🤔

[لينا دويدري]

ماشالله تبارك الله نزول رائع الله يسعدك وتمنياتي لك بالصحة والرشاقة