سؤال خاص للدكتور سلطان عن عملية السليف + الترهل بعد العمليه ؟

[نوسه]

السلام عليكم دكتور سلطان
انا وزني 127 و عمري 32 مو متزوجه و طولي 158 تعبت من الرجيمات اللي ما تفيد و ابي اسوي عمليه السليف الاحظ الكل ينصح فيها ابي اسويها بالمنظار طبعا لاني اخاف من العمليات الكبرى بس سؤالي المهم ليش ما في احد يسأل عن الترهلات اللي تصير بعد العمليه هل من الممكن نشد الجسم بالرياضه ولا صعبه ولا لازم عمليه ثانيه بعد لشد الجسم الرجاء الرد على سؤالي ضروري و لكم مني جزيل الشكر

[Latifah]

أضم صوتي لصوتك ونحتاج الاجابه

[البتول]

ماادري بس خلونا قبل نسوي العمليه بعدين نشوف الترهلات ........

انا هامني شعري يارب ما يتساقط بس.

[مزون]

السلام عليكم

الترهلات مشكلة بس انا عندي االشعر اهم من الترهلات لان مقدور عليها بعمليات الشددد

الله يكون بالعون

[الحزن عنواني]

ياجماعه ابي اكتب موضوع مستقل من فين؟

[نوسه]

ما ينفع عمليات بعمليات الرياضه ما تنفع بعد العمليه انها تشد الترهل لازم الواحد يعرف

[المنال]

اقتباس: المشاركة الأصلية كتبت بواسطة نوسه     السلام عليكم دكتور سلطان انا وزني 127 و عمري 32 مو متزوجه و طولي 158 تعبت من الرجيمات اللي ما تفيد و ابي اسوي عمليه السليف الاحظ الكل ينصح فيها ابي اسويها بالمنظار طبعا لاني اخاف من العمليات الكبرى بس سؤالي المهم ليش ما في احد يسأل عن الترهلات اللي تصير بعد العمليه هل من الممكن نشد الجسم بالرياضه ولا صعبه ولا لازم عمليه ثانيه بعد لشد الجسم الرجاء الرد على سؤالي ضروري و لكم مني جزيل الشكر

صباح الخير إختى الكريمه
حبيبتى الدكتور سلطان ممكن يجاوبك عن السليف أما الجزء الثانى من السؤال ماله دخل فى تخصصه
عمليات السمنه جميعها تنعمل بالمنظار يعنى بلكثير 5 فتحات صغيره جدا وكلها كم يوم وتنقفل وتكونين بأحسن حال
أما سؤالك عن الترهلات فمعظم الاعضاء يفكرون فيها بس قبل عمليه التخسيس يكون تفكيرهم الاكبر كيف يشيلون الشحوم ويخسون وينسون سالفه الجلود
ممكن لأن البعض يكون فاقد الامل إنه بيخس وبتنجح العمليه معه وأنا أول إلي حسوا بها الشئ وإنى إستحاله أنحف بس الحمد لله على كل حال
بس لو قنالك مثلا بتصير ترهلات شديده بعد النحف ضرورا لو نزلتى 60 كيلو ومافي حل إلا عمليات الشد يعنى معد بتسوينها؟؟؟
شوفى لو مشيتى على نظام رياضى قوي بعد شهرين من العمليه لا يقل عن 5 ساعات يوميا وتكون رياضه خاصه للشد مع إخصائيه متمكنه ممكن يحدث ترهل خفيف وممكن التعايش معه مع إنى أسمع عن ها الاشياء لكن فى أرض الواقع ما شفت أحد ما احتاج شد بعد ما نحف كم هائل من الشحم
ولو صار ترهل كبير ما عندك إلا الشد وتراها عمليات ماهى مخيفه ولا متعبه ولا خطيره مثل قص المعده يعنى إلي صلح إستئصال للمعده يستسهل يسوي الشد بس أهم شئ يكون متقبل الاثر
ومن رأيي الخاص إلي تقبل شكله كم سنه وهو منفوخ ومشوه من السمنه راح يتقبل الاثر إلي يعتبر نقطه فى بحر عن شكله قبل النحافه
أتمنى وصلت الفكره بعد القرقه الكثيره إلي قلتلها

[نوسه]

ثانكس وايد عالرد و يعطيج العافية

[اكره نفسي]

ماعندي اي معلومه بس ماحبيت ادخل واقرا بدون ما ارد

وان شاء الله ربي يكتب لك اللي فيه الخير