دخـــول

كَمْ لي وأنا أتبِعِهْ (مِثْلَ السَّراب) ؟
نَفْسي تِتوقَ أحضِنِه .. لينِه يدفّيني !

ودّي أعيشهْ صِدقْ .. في عِزَّ الشّباب
ولا بدونهْ تْعَدِّي [زَهْرَةْ سْنيني] !

اللهْ وَكيلِكْ ما طابْ وقتي .. ولا طاب !
عَشْرَةْ سِنينْ أطلِبْهْ (وْعَيّا يجيني) !!

لَكِنْ وربِّيْ مَعْذورْ .. لَوِّهْ بَعَدْ غَاب
أَنَا اعتِرِف هَذي [فعايل يْديني] !!

لو كنتْ مِجْتَهْدَهْ في بَذْلَ الأسباب
كانْ أَصْبِحْ مُنايْ أشوفِه بعيني !!

وأقولْ يَاهْلَ الخير (دُمْتُمْ أَحْبَابْ)
الله يِقَوِّي عِزيمَةْ مِنْ مِثْلي سِجيني !

ما هوْ بِصَعبْ نَفْتَحْ [لَوْ مِيّة باب] !
لا صار كِلّْ حَالٍ عِقْبَهَا .. يْزيني !!

أَقومْ بِاتِّكاليْ على (ربَّ الأرباب)
ولا أعيش عُمْريْ .. لْحِزْنيْ رِهيني !!

وأقولْ يَاهْلَ الخير .. خَلُّوكُم قْراب
نبي نحقِّقْ أمَلْنا [بإذنَ المُعيني] !

إلى مِتى وأحلامْنا (يَعْلوها ضَباب) ؟
يالله نِشِدَّ الهِمَّهْ .. حيناً ورى حيني !

مخرج

إن قالها الله ليتحقّق مُنانا
ونحيا بظلَّ العيشَ الرِّغيد !

واللهْ ما ينفعنا إلا سوانا !
فالهمّه الهمّه والعزم الشّديد

بكره ليامنّا تعانقنا ودوانا !
نقضي حياتنا وكنّنا بـ عيد !

،'
.