السلام عليكم ورحمة الله وبركاته

دايم اقول لنفسي انه راح يجي يوم واخترع صاروخ نووي من قوارير الفيمتو بس مدري متى راح يجي هاليوم :qoah:

اليوم صحيت بدري الصباح وضربني الطفش لاني مدري وش اسوي << حلوه :10:

المهم طرت علي فكره قلت بسوي هدايا للاطفال اعطيهم اياها بالعيد :079:

طوالي رحت الساعه 10 للبنك وصرفت مبلغ كله ريالات وخمسات وبعدها لاقرب محل العاب

المهم ياطويلين العمر والسلامه اشتريت مجموعه اشياء مالها داعي وحطيت العدد المطلوب 30 هديه

وهذي صورة المكونات قبل البدأ بالعمل



كيس لونه احمر قيمته ريال علشان احط الهدايا فيه

دبدوب صغير وعروسه للبنات وبلاستيك يمسكونه ويحركونه بيديهم ويفتر << الحمد لله والشكر :g_haha: ومروحه حاجه كذا ينفخون فيها وتطلع صوت كنه لسان حربلاء < وفي روايه اخرى حربايه :thumbsup:

وكل كيس طبعا فيه مبلغ بسيط عباره عن خمسه ريال مصروفه ريالات قديمه خخخ

ثانيا




اشتريت كرتون جالكسي وحلاوة بقره << وه بس وحلاو مصاص

وطبعا كل هديه معها تشكيله من هالحلويات


المهم الشغله كلها سويتها وعبيتها بالكيس الخاص بالهدايا خلال ثلاث ساعات خخخخ

ولا يمنع من توزيع بعض الهدايا على عيال الجيران




اهم شي ابو شدوق هذا يستانس :079:



يازين البساطه




الخلاصه:

* لاتتردد في البذل لإسعاد أولاد المسلمين عموما

* صدقني فرحة الطفل بالهدية لن ينساها أبداً

* ابتعد عن هدايا الطراطيع والأشياء المثلجة فأولياء الأمور (البعض) لا يرحم أبداً

أسأل الله بمنّه وكرمه أن يعيد علي وعليكم رمضان
والأمة الإسلامية ترفل في ثياب العز والتمكين
وأن يعيده علي وعليكم وأنتم في أتم صحة وعافية وسعة رزق